काठमाडौँ । आयरल्याण्डको ५ दिने भ्रमण सकेर आइतबार स्वदेश फर्केका प्रतिनिधिसभाका सभामुख देवराज घिमिरेले त्रिभुवन विमानस्थलमा पत्रकारसँग कुराकारी गर्दै सरकारले संसदमा दर्ता गरेको विद्यालय शिक्षासम्बन्धी विधेयक सकेसम्म सर्वसम्मत र नभए नियमित प्रक्रियाबाट टुङ्ग्याउने बताएका छन् ।
यस्तै आयरल्यान्डमा बसोबास गरेका नेपालीहरूको बारेमा त्यहाँका सभामुखको चिन्ता जनाएको उनले जानकारी दिए । आफ्नो देश बनाउन नेपालीहरूको ठुलो योगदान रहेको र उहाँहरूलाई सहुलियत दिएर सकेसम्म उतै राख्न चाहेको कुराकानीमा बताएको घिमिरेको जिकिर छ ।
तीबाहेक आयरल्यान्ड र नेपालको संसदबीचको सम्बन्ध विस्तार गर्न, नेपालको स्वास्थ्य, शिक्षा, कृषि क्षेत्रको विकासमा संसद्, सरकारको तर्फबाट सहकार्य गर्न चाहेको उनले बताए ।
श्रोत : रातोपाटी
