सुर्खेत । नेकपा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले समाजवादी मोर्चाले कम्युनिस्ट आन्दोलनलाई बचाउनका लागि भूमिका खेल्ने बताएका छन् ।
अध्यक्ष नेपालले एकतामा शक्ति मिल्ने र शक्तिमा तागत हुने भएकाले समाजवादी शक्तिहरु एक ठाउँमा आएको बताए ।
अध्यक्ष नेपालले नेपाली विशेषताको समाजवाद निर्माणमा मोर्चाले महत्त्वपूर्ण भूमिका खेल्ने बताए । वर्तमान सरकारले जनताको पक्षमा रहेर काम गर्नुपर्ने उनको भनाइ छ ।
अध्यक्ष नेपालले एमसीसी संविधानमाथि नहुने भनेपछि आफूहरुले सहमति जनाएको बताए ।तर अनुचित सम्झौता स्वीकार्य हुने नसक्ने उनको भनाइ छ ।
अध्यक्ष नेपालले समाजवादी मोर्चा जनताको पक्ष र जनतालाई सुखी बनाउनका लागि बनाइएको बताए । मोर्चामा रहेका दल र नेताहरुबीच एक आपसमा समझदारी हुनुपर्ने भन्दै उनले त्यो पालिकादेखिनै हुनुपर्ने बताए ।
श्रोत : रातोपाटी
